From Our Top 100
Traditional and Modern Scottish Songs.
The Deil's Awa' Wi' Th' Exciseman by Robert Burns
The Deil cam fiddlin' through the toun
And danced awa' wi' th' exciseman,
And ilka wife cried, 'Auld Mahoun,
I wish you luck o' the prize, man.'
The Deil's awa,' the Deil's awa',
The Deil's awa' wi' th' exciseman.
He's danced awa', he's danced awa',
He's danced awa' wl' th' exciseman.
We'll mak oor maut and we'll brew our drink.
We'll laugh, sing and rejoice, man,
And mony braw thanks to the muckle black Deil
That danced awa' wi' th' exciseman.
There's threesome reels; there's foursome reels
There's hornpipes and strathspeys, man,
But the ae best dance that cam o'er our land
Was 'The Deil's Awa' Wi' Th' Exciseman'.