Yer Hard Edged Dictionary o' Glaswegian and Scottish words.

ABCDEFGHIJKLMNOPQRSTUVWXYZ


Right - here's awe the stuff thit's oan the site.


Glaswegian Words

Doric Words

Gaelic Words

Top 10 Scottish Words


Rabbie Burns Poems

Stuart McLean Poems

McGonagall Poems

Top 100 Scottish Songs

Top 100 Scottish Rhymes

Funny Scottish Scripts


Scottish Cities

Scottish Towns

Scottish Islands

Islands by Size

Scottish Munro's

Scottish Lochs

Scottish Rivers

Scottish Whisky


Scottish Boys Names

Scottish Girls Names


Doric Carnival


Images of Scotland


Glasgow Race for Life

Glasgow Race for Life 09

 

Scottish & Scotland


Funny Books by thon Scottish guy Stuart McLean - available UK, Canada, USA and ither countries.

Noo go an get wan - right!


 

No' Rabbie Burns - funny Scottish Poems

Rabbie Burns Scottish Poet Books

Why Did the Haggis Cross the Road? - hilarious Scottish jokes.

why-did-the-haggis-cross-the-road

A Midge in Your Hand is Worth Two Up Your Kilt - witty Scottish proverbs.

A Midge in Your Hand is Worth Two Up Your Kilt

Ned Speak

Learn  the lingo of the Scottish Ned - and you will love them even more.

glasgow slang words

Buy Amazon

Poems by famous Scottish Poet Robert (Rabbie) Burns

The Holy Fair by Robert Burns

Upon a simmer Sunday morn,
When Nature's face is fair,
I walked forth to view the corn
An' snuff the caller air.
The risin' sun owre Galston muirs
Wi' glorious light was glintin,
The hares were hirplin down the furrs,
The lav'rocks they were chantin
Fu' sweet that day.

As lightsomely I glowr'd abroad
To see a scene sae gay,
Three hizzies, early at the road,
Cam skelpin up the way.
Twa had manteeles o' dolefu' black,
But ane wi' lyart linin;
The third, that gaed a wee a-back,
Was in the fashion shining
Fu' gay that day.

The twa appear'd like sisters twin
In feature, form, an' claes;
Their visage wither'd, lang an' thin,
An' sour as ony slaes.
The third cam up, hap-step-an'-lowp,
As light as ony lambie,
An' wi' a curchie low did stoop,
As soon as e'er she saw me,
Fu' kind that day.
Wi' bonnet aff, quoth I, 'Sweet lass,
I think ye seem to ken me;
I'm sure I've seen that bonie face,
But yet I canna name ye.'
Quo' she, an' laughin as she spak,
An' taks me by the han's,
'Ye, for my sake, hae gien the feck
Of a' the ten comman's
A screed some day.

'My name is Fun--your cronie dear,
The nearest friend ye hae;
An' this is Superstition here,
An' that's Hypocrisy.
I'm gaun to Mauchline Holy Fair,
To spend an hour in daffin:
Gin ye'll go there, you runkl'd pair,
We will get famous laughin
At them this day.'

Quoth I, 'With a' my heart, I'll do't:
I'll get my Sunday's sark on,
An' meet you on the holy spot;
Faith, we'se hae fine remarkin!'
Then I gaed hame at crowdie-time
An' soon I made me ready;
For roads were clad frae side to side
Wi' monie a wearie body
In droves that day.

Here, farmers gash, in ridin graith,
Gaed hoddin by their cotters,
There swankies young, in braw braidclaith
Are springin owre the gutters.
The lasses, skelpin barefit, thrang,
In silks an' scarlets glitter,
Wi' sweet-milk cheese in mony a whang,
An' farls, bak'd wi' butter,
Fu' crump that day.

When by the plate we set our nose,
Weel heaped up wi' ha'pence,
A greedy glowr Black Bonnet throws,
An' we maun draw our tippence.
Then in we go to see the show:
On ev'ry side they're gath'rin,
Some carryin dails, some chairs an' stools,
An' some are busy bleth'rin
Right loud that day.

...

Here some are thinkin on their sins,
An' some upo' their claes;
Ane curses feet that fyl'd his shins,
Anither sighs an' prays:
On this hand sits a chosen swatch,
Wi' screw'd-up grace-proud faces;
On that a set o' chaps at watch,
Thrang winkin on the lasses
To chairs that day.

O happy is that man and blest!
Nae wonder that it pride him!
Whase ain dear lass that he likes best,
Comes clinkin down beside him!
Wi' arm repos'd on the chair back,
He sweetly does compose him;
Which by degrees slips round her neck,
An's loof upon her bosom,
Unken'd that day.

Now a' the congregation o'er
Is silent expectation;
For Moodie speels the holy door,
Wi' tidings o' salvation.
Should Hornie, as in ancient days,
'Mang sons o' God present him,
The vera sight o' Moodie's face
To's ain het hame had sent him
Wi' fright that day.

Hear how he clears the points o' faith
Wi' rattlin an' wi' thumpin!
Now meekly calm, now wild in wrath
He's stampin, an' he's jumpin!
His lengthen'd chin, his turn'd-up snout,
His eldritch squeal and gestures,
Oh, how they fire the heart devout
Like cantharidian plaisters,
On sic a day!

But hark! the tent has chang'd its voice:
There's peace and rest nae langer;
For a' the real judges rise,
They canna sit for anger.
Smith opens out his cauld harangues,
On practice and on morals;
An' aff the godly pour in thrangs,
To gie the jars an' barrels
A lift that day.

What signifies his barren shine
Of moral pow'rs and reason?
His English style an' gesture fine
Are a' clean out o' season.
Like Socrates or Antonine
Or some auld pagan heathen,
The moral man he does define,
But ne'er a word o' faith in
That's right that day.

In guid time comes an antidote
Against sic poison'd nostrum;
For Peebles, frae the water-fit,
Ascends the holy rostrum:
See, up he's got the word o' God
An' meek an' mim has view'd it,
While Common Sense has ta'en the road,
An's aff, an' up the Cowgate
Fast, fast that day.

Wee Miller niest the Guard relieves,
An' Orthodoxy raibles,
Tho' in his heart he weel believes
An' thinks it auld wives' fables:
But faith! the birkie wants a Manse,
So cannilie he hums them;
Altho' his carnal wit an' sense
Like hafflins-wise o'ercomes him
At times that day.

Now butt an' ben the change-house fills
Wi' yill-caup commentators:
Here's cryin out for bakes an gills,
An' there the pint-stowp clatters;
While thick an' thrang, an' loud an' lang,
Wi' logic an' wi' Scripture,
They raise a din, that in the end
Is like to breed a rupture
O' wrath that day.

Leeze me on drink! it gies us mair
Than either school or college
It kindles wit, it waukens lear,
It pangs us fou o' knowledge.
Be't whisky-gill or penny-wheep,
Or ony stronger potion,
It never fails, on drinkin deep,
To kittle up our notion
By night or day.

The lads an' lasses, blythely bent
To mind baith saul an' body,
Sit round the table weel content,
An' steer about the toddy,
On this ane's dress an' that ane's leuk
They're makin observations;
While some are cozie i' the neuk,
An' forming assignations
To meet some day.

But now the Lord's ain trumpet touts,
Till a' the hills rae rairin,
An' echoes back return the shouts--
Black Russell is na sparin.
His piercing words, like highlan' swords,
Divide the joints an' marrow;
His talk o' hell, whare devils dwell,
Our vera 'sauls does harrow'
Wi' fright that day.

A vast, unbottom'd, boundless pit,
Fill'd fou o' lowin brunstane,
Whase ragin flame, an' scorching heat
Wad melt the hardest whun-stane!
The half-asleep start up wi' fear
An' think they hear it roarin,
When presently it does appear
'Twas but some neibor snorin,
Asleep that day.

'Twad be owre lang a tale to tell,
How mony stories past,
An' how they crouded to the yill,
When they were a' dismist:
How drink gaed round in cogs an' caups
Amang the furms an' benches:
An' cheese and bred frae women's laps
Was dealt about in lunches
An' dauds that day.

In comes a gausie, gash guidwife
An' sits down by the fire,
Syne draws her kebbuck an' her knife;
The lasses they are shyer:
The auld guidmen, about the grace
Frae side to side they bother,
Till some ane by his bonnet lays,
And gi'es them't like a tether
Fu' lang that day.

Waesucks! for him that gets nae lass,
Or lasses that hae naething!
Sma' need has he to say a grace,
Or melvie his braw clathing!
O wives, be mindfu' ance yoursel
How bonie lads ye wanted,
An' dinna for a kebbuck-heel
Let lasses be affronted
On sic a day!

Now Clinkumbell, wi' rattlin tow,
Begins to jow an' croon;
Some swagger hame the best they dow,
Some wait the afternoon.
At slaps the billies halt a blink,
Till lasses strip their shoon:
Wi' faith an' hope, an' love an' drink,
They're a' in famous tune
For crack that day.

How monie hearts this day converts
O' sinners and o' lasses
Their hearts o' stane, gin night, are gane
As saft as ony flesh is.
There's some are fou o' love divine,
There's some are fou o' brandy;
An' monie jobs that day begin,
May end in houghmagandie
Some ither day.

<-- Previous     |     Next -->

 
 
 

See copying awe ma stuff and sticking it oan yer ain website or blog - gonnae no dae that!


Huv a look it this 

- it's dead good so it is.

John Logie Baird and Television : Images Across Space by yon smart guy Dr. Douglas Brown

John Logie Baird

Buy : Amazon


 


NOTE: The contents of this site are copyright Stuart McLean / Stuart Macfarlane and should not be used in any way without permission. Many of the images on the site have been submitted by visitors - we believe these to be copyright free - however, if you own copyright to any, please let us know and they will be removed or suitable attribution included.

If you spot any errors or have other Glaswegian, Scottish or Doric works you would like added to our list please drop us an email.

Contact us: